Turkmanistonda yo‘l harakati xavfsizligiga alohida e’tibor qaratilmoqda
Amul Info ·
1-sentabrdan Turkmanistonda «Yo‘l harakati xavfsizligi — hayotimiz osoyishtaligidir» shiori ostida Yo‘l harakati xavfsizligi oyligi boshlanadi. Aksiya doirasida haydovchi va piyodalarning yo‘l harakati qoidalari bo‘yicha bilimlarini oshirishga qaratilgan seminarlar va targ‘ibot tadbirlari…
1-sentabrdan Turkmanistonda «Yo‘l harakati xavfsizligi — hayotimiz osoyishtaligidir» shiori ostida navbatdagi Yo‘l harakati xavfsizligi oyligi boshlanadi. Ushbu tadbir tashkil etilganidan buyon 12-marotaba o‘tkazilmoqda.
Oylik doirasida mamlakatimiz vazirliklari va idoralari haydovchilar hamda piyodalarning yo‘l harakati xavfsizligi haqidagi bilimlarini oshirishga qaratilgan konferensiyalar, o‘quv-seminarlar va targ‘ibot tadbirlarini o‘tkazadilar. Maktablar, oliy o‘quv yurtlari va korxonalarda ham turli tushuntirish ishlari tashkil etiladi.
Yangi o‘quv yilining boshlanishi bilan maktablar, bolalar bog‘chalari va oliy o‘quv yurtlari atrofi yo‘llarida xavfsizlikka alohida e’tibor qaratiladi. Yo‘l nazorati xizmatining eko-velosiped guruhlari ta’lim muassasalari yaqinida navbatchilikni yo‘lga qo‘yadilar. Shuningdek, ushbu joylarda yo‘l harakati qoidalariga rioya etilishishi ustidan nazorat kuchaytiriladi.
Yo‘l harakati xavfsizligini ta’minlash Turkmanistonning tegishli qonunchiligi bilan tartibga solinadi. Belgilangan yo‘l harakati qoidalarini buzganlar esa amaldagi ma’muriy qonunchilikka muvofiq javobgarlikka tortiladilar.
Xavfsiz yo‘l harakati bu faqat qoidalarga rioya qilishgina emas, balki har bir fuqaroning o‘ziga va atrofdagilarga nisbatan mas’uliyatli munosabatidir.