Türkmenistanyň Prezidenti Serdar Berdimuhamedowyň «Merkezi Aziýa — Koreýa Respublikasy» birinji işewürlik sammitindäki çykyşy
tdh.gov.tm ·
Siziň ähliňizi Merkezi Aziýa döwletleri bilen Koreýa Respublikasynyň arasynda netijeli dialog üçin möhüm we abraýly işewürlik meýdançasyna öwrülen işewürlik sammitiniň mejlisinde mähirli mübärekleýärin. Bu işewürlik dialogyna ýurtlarymyzyň arasynda dürli ugurlar boýunça doly formatly, yzygiderli we uzak möhletli ykdysady, söwda, maýa goýum hem-de işewürlik hyzmatdaşlygyny ösdürmekde möhüm başlangyç nokady hökmünde garaýaryn.