Türkmenistan Las-Wegasda geçiriljek U23 dünýä çempionatynda üç pälwan bilen çykyş eder
Amul Info ·
12–18-nji oktýabrda ABŞ-nyň Las-Wegas şäherinde geçiriljek dünýä çempionatynda ýurdumyzyň ýygyndysyna Watan Annaorazow (79 kg), Soltan Sanjar Begenjow (86 kg) we Döwletgeldi Myradow (92 kg) wekilçilik eder. 🥇 Üstünlik arzuw edýäris!
2026-njy ýylyň 12–18-nji oktýabry aralygynda ABŞ-nyň Las-Wegas şäherinde 23 ýaşa çenli pälwanlaryň arasynda göreş boýunça dünýä çempionaty geçiriler. Dünýäniň dürli ýurtlaryndan 600-den gowrak türgeniň gatnaşmagyna garaşylýan ýaryşda Türkmenistan hem üç pälwan bilen wekilçilik eder.
Bäsleşikler Newada uniwersitetiniň «Thomas & Mack Center» sport toplumynda geçiriler. Ýaryşyň maksatnamasynda ilki grek-rim göreşi boýunça duşuşyklar, soňra zenanlaryň we erkin göreş boýunça bäsleşikler geçiriler.
Türkmenistanyň ýygyndysynyň düzüminde erkin göreş boýunça üç türgen çykyş eder:
Türkmenistanyň ýygyndysynyň baş tälimçisi Ýusup Meledžaýewdir.
U23 dünýä çempionaty üç görnüş boýunça — grek-rim, zenanlaryň we erkin göreşi boýunça geçirilip, 12-nji oktýabrdan 18-nji oktýabra çenli dowam eder. Ýaryş ýaş pälwanlaryň halkara derejesindäki tejribesini artdyrmak we dünýä arenasynda öz mümkinçiliklerini görkezmek üçin möhüm sport çäreleriniň biri bolar.