Ählumumy abadançylygyň bähbidine netijeli hyzmatdaşlygy giňeltmekde täze ädimler
tdh.gov.tm ·
Ýurdumyz Gahryman Arkadagymyz tarapyndan başy başlanyp, hormatly Prezidentimiz Serdar Berdimuhamedowyň baştutanlygynda hemişelik Bitaraplyk hukuk ýagdaýyna esaslanýan daşary syýasy ugruny yzygiderli amala aşyrmak bilen, gatnaşyklary ikitaraplaýyn hem-de köptaraplaýyn görnüşde netijeli ösdürýär. Türkmenistan gün tertibiniň wajyp meseleleri boýunça çözgütleri işläp taýýarlamakda işjeň orun eýelemek bilen, parahatçylygy we howpsuzlygy üpjün etmek, ählumumy abadançylygyň bähbidine netijeli hyzmatdaşlygy giňeltmek boýunça tagallalary birleşdirmäge saldamly goşant goşýar.