Türkmenistanyň wekiliýeti IAEA-nyň 70-nji Baş konferensiýasyna gatnaşýar
Turkmenistan RSS Feed ·
2026-njy ýylyň 15-nji sentýabrynda Wena şäherinde Türkmenistanyň Saglygy goraýyş we derman senagaty ministriniň orunbasary Azat Owezowyň ýolbaşçylygyndaky Türkmenistanyň wekiliýeti 2026-njy ýylyň 14–18-nji sentýabry aralygynda Wena şäherinde geçirilýän Atom energiýasy boýunça halkara agentliginiň (IAEA) Baş konferensiýasynyň 70-nji nobatdaky sessiýasyna gatnaşýar.
2026-njy ýylyň 15-nji sentýabrynda Wena şäherinde Türkmenistanyň Saglygy goraýyş we derman senagaty ministriniň orunbasary Azat Owezowyň ýolbaşçylygyndaky Türkmenistanyň wekiliýeti 2026-njy ýylyň 14–18-nji sentýabry aralygynda Wena şäherinde geçirilýän Atom energiýasy boýunça halkara agentliginiň (IAEA) Baş konferensiýasynyň 70-nji nobatdaky sessiýasyna gatnaşýar. Bu barada Türkmenistanyň DIM-niň web-saýtynda habar berilýär.
Milli beýannama bilen çykyş etmek bilen, Türkmenistanyň wekiliýeti IAEA-nyň 70 ýyllyk ýubileýi bilen gutlady hem-de 2026-njy ýylda Türkmenistanyň Agentligiň agzalygyna girenine 10 ýyl bolýandygyny belledi.
Türkmenistan ýadro ýaraglarynyň ýaýradylmazlygy, ýadro we radiasiýa howpsuzlygy, şeýle hem ýadro ylmynyň we tehnologiýalarynyň parahatçylykly maksatlar üçin ulanylmagy ýörelgelerine ygrarlydygyny nygtady. Saglygy goraýyş ulgamyndaky, şol sanda onkologik keselleri anyklamak we bejermek boýunça hyzmatdaşlyga, şeýle hem IAEA-nyň Aşgabatdaky Halkara ylmy-kliniki onkologiýa merkezine berýän goldawyna aýratyn üns berildi.
Wekiliýet şeýle hem ýadro ylmy we tehnologiýalary arkaly onkologik keselleri anyklamak we bejermek hyzmatlaryna elýeterliligi giňeltmek meselesine bagyşlanan IAEA-nyň «Umyt şöhleleri: onkologiýa kömeginiň mümkinçiliklerini durmuşa geçirmek» atly ylmy forumyna gatnaşdy.
Türkmenistan şeýle hem deňze çykalgasy bolmadyk ösüp barýan ýurtlaryň ýadro ylmynyň we tehnologiýalarynyň parahatçylykly ulanylyşyna elýeterliligini giňeltmäge gönükdirilen «Deňze çykalgasy bolmadyk ösüp barýan ýurtlar üçin atomlar» atly başlangyjyny hödürledi.
Wekiliýet Türkmenistanyň IAEA we onuň agza döwletleri bilen hyzmatdaşlygy mundan beýläk-de pugtalandyrmaga taýýardygyny tassyklady.