CASCA+ halkara ulag geçelgesi: Türkmenistan we gatnaşyjy ýurtlar ýük daşamalaryny artdyrmak boýunça ylalaşyga gol çekdiler
Awtomekdep täzelikler ·
Türkmenistan we CASCA+ halkara ulag geçelgesine gatnaşyjy bäş döwlet ýük daşamalarynyň möçberini artdyrmaga hem-de bu ugry mundan beýläk-de ösdürmäge gönükdirilen ylalaşyga gol çekdiler. Bu barada «Balkan» gämi gurluşyk we abatlaýyş zawodynyň metbugat gullugy habar berdi. Resminama 8–9-njy iýunda Türkmenistanyň, Türkiýe Respublikasynyň, Gruziýanyň, Azerbaýjanyň, Özbegistanyň we Gyrgyzystanyň demir ýol edaralarynyň wekilleriniň gatnaşmagynda geçirilen maslahatyň jemi boýunça gol çekildi. Duşuşygyň dowamynda gatnaşyjylar CASCA+ halkara ulag geçelgesiniň häzirki iş görkezijilerine garap, 2025-nji ýylyň hem-de 2026-njy ýylyň birinji çärýeginiň netijelerini jemlediler. Taraplar ýük gatnawlarynyň netijeliligini ýokarlandyrmak, üstaşyr geçiş möhletlerini gysgaltmak, ulag hyzmatlarynyň hilini ýokarlandyrmak we geçelge boýunça ýük gatnawlary üçin nyrh syýasatyny kämilleşdirmek meselelerine aýratyn üns berdiler.